網紅的藏寶箱2020年，今年時間過得真係好快，雖然全球都疫情發生，
令到幕前嘅工作差不多全部取消，驅使我做咗好多新嘗試，還完成咗我想去英國嘅夢想。。
2020年2月，疫情爆發初期，還未到全球性的時候，膽粗粗去了14日英國旅行，這趟旅程是我期待已久的，感恩我能夠安然無恙咁回來。
過了半年，收入近乎零，戶口銀行數字接近赤字嘅時候，膽粗粗開了一間網店巜馬拉妹好推介》 @malaimuihk 賣榴槤，這是一個從來未想過的新嘗試。一向都認定自己沒有做生意的頭腦，但冇辦法馬死都要落地行，因為真係冇錢開飯。感恩都有很多網友嘅支持，還推出了首創的氣炸鍋冰皮榴槤月餅。雖然未算很成功，但我仍會繼續努力繼續將馬來西亞好的特產帶比香港嘅觀眾。
我從來未放棄過我的歌唱事業。拍咁多唔同類型嘅YouTube片，其實很大部份原因都想觀眾留意到我是唱歌的。突然收到消息 ViuTV 全民造星邀請參加選拔，當然二話不說參與。講真從來都唔覺得自己係香港有什麼歌手地位，所以參加都冇咩包袱。本來無一物，何處惹塵埃。不過今次嘅比賽令我學識到好多嘢，亦有好多得着。識到好多志同道合嘅人，令我好感恩。多咗人鍾意我，亦都多咗好多人唔鍾意我，雖然節目剪接效果同我本人有落差，但唔緊要。認識我嘅人唔使擔心，你認識嗰個我依然係咁，我冇變過請放心。你哋好嘅評語同唔好嘅評語，我全部都接收到。多謝你哋話俾我聽，我會繼續虛心學習。呢啲都係我進步嘅原動力。一路以來，我都是很努力練習自己唱歌技巧，搵方法同音樂去溝通，但我發現原來我一直都合上了耳朵，唔識點樣將自己的情感表現出來。今次比賽令我重新愛上唱歌，多謝 @kearenpang 老師令我明白，如何由心而發去感動自己感動別人。我現在唱歌學識帶ear mon了，原來音樂不停同我溝通了很多，還有耳機贊助添。聽說還會度身訂造嘅耳機給我，我會好好珍惜佢，這是我一個里程碑令我重新愛上唱歌，多謝耳機供應商 @cz.ado ，多謝全民造星3 @ahfa0908 馬拉 Karen （Mariah Karen)我會繼續用，邊度跌低邊度起翻身。
嚟緊新嘅一年，我會繼續用心唱好歌比大家，拍多啲美食俾大家，雖然疫情令我哋改變好多，但我都相信巜辦法總比問題多》，希望嚟緊呢年可以唔使戴口罩，大家小心身體，忘記背後努力面前，共勉之。
#綜藝節目剪接真係唔好當真
#全民造星3
#全民造星iii
#馬拉Karen
#龔柯允
#2021
Search